العوايل في الاسواق

ترا كنت اكتب الموضوع وانا متحمس .. اللي يلقى شي مايعجبه .. يوسع صدره ..

ياجماعه وش السالفه ؟؟
اللي يصير طبيعي ولا وش الوضع ؟؟

اللي قاعد يصير اسمه زياده عن الحد .. تقولون عوائل ما نخالف .. بس تقولون بالزي السعودي .. اتوقع هذا اسمه استهبال !!
انا صراحه عجزت افهم النظام .. الحين اهم شي ماتدخل وبس ولا وش السالفه ؟؟
انا اول مره افكر ادخل الاشياء هذي .. والظاهر بتكون اخر مره ..
انا انسان ابي ادخل المملكه .. مع خويي ..
هل الشي هذا نظامي ؟؟ ولا مخالف لأنظمة الدوله ؟؟
جيت كل ايام الاسبوع .. وفي كل الاوقات .. وكلها كان الجواب اليوم عوايــــل يابو الشباب .. باسلوب متخلف ..

اللي ابي افهمه الموضوع تحدي ولا عناد ولا اثبات شخصيه ولا هو النظام كذا ؟؟

طيب قول عوائل ماعندي مشكله بس عوائل معناها ان اي شخص .. سواء كان رجال او حرمه .. ولد او بنت ..
لازم يكون مع عائله ..
هذا معناه عوائل ..
بس اللي قاعد يصير اسمه .. استهبال مهوب اسمه عوايــــل :S

.. رحت للمملكه اليوم الساعه 9 الصباح ..
رحت للمواقف اللي مدخلها مع شارع العليا .. على اساس بوقف السياره في المواقف .. لأن الجو كان فـله كالعاده يعني ..

اللي صار يوم جيت ادخل جاني اثنين سيكيوريتي .. وخبط واحد منهم الشباك بشكل غريب ..
فتحت الشباك .. قال وش عندك هنا يابو الشباب ..؟؟

قلت .. بوقف سيارتي في المواقف ..

قال بعد دهشه .. الحين دوااام .. دوااااااااااااام ..
ماادري انا ليه قالها بهالطريقه .. بس اتوقع ان الشمس كان لها دور في الموضوع ..

على العموم انا قلت له يعني اوقف سيارتي في الشمس ؟
قالي لو ماعليك امر ..

انا يوم شفته تكلم باخلاق شوي .. قلت الرجال معذور انا في مكيف والوضع اوكي ..
وهو طاقته الشمس وحالته حاله وطول الوقت واقف

قلت اوكي ومشيت وقفت سيارتي عند بوابة البنك .. نزلت انا وخويي وانا وياه نسولف ونضحك .. على الاخ اللي من شوي ..

المهم في نص السوالف .. الا اشوف يد على صدري ..
و فيه شخص يقول ويــــن يابو الشباااب ؟؟

صراحه انا حسيت اني مسوي شي غلط .. قلت وش فيك ؟؟

قالي ممنوع الدخول ..

انا قلت ... هااه ؟؟

قالي ممنوع تدخل الا بالزي السعودي ..

انا حاولت امسك نفسي ماقدرت .. قعدت اضحك .. خويي بعد ما قدر يقاوم ..
قعد يضحك معاااي ..
قلت والبس بشت معه ولا مايحتاج ..

خويي سألته قاله طيب ينفع اجي ببدله رسميه .. ؟

وقعدنا نضحك على الموضوع وسرينا ..

الشي اللي نسيت اسأله .. هل لو كان معي عائله .. لازم اكون لابس الزي السعودي ولا لا
طبعا واكيد ان الجواب .. لو معك عائله سو اللي تبي ..!

تخلف واللهي تخلف ..!!

الحل مايكون بها الطريقه .. اذا القصد من هالحركه هو ان محد يرقم ..
لازم النظام هذا يتطبق على البنات بعد ..

وش الفايده لما البنت تدخل براحتها .. ومع مين ماتبي .. ولابسه اللي تبي ..!

كم مره انا اشوف بنات لابسين شورت مثلا !!!
انا مااقول شي .. حريه شخصيه .!

بس ان البنت تكون هي الصح مهما تسوي هذا هو الخطأ ..

ياجماعه لو البنت تكون مع اهلها و تكون لابسه كويس و متستره .. تتوقعون في احد بيتجرأ وبيقرب منها ؟!!

ياهوووووه .. لما البنت تكون قمر .. وغير كذا قاعده تبتسم لك .. مين بيقدر ما يكلمها ؟؟؟
ياجماعه ترا الرجل السعودي يحس .. ويفرق بين الحلو والشين ..

ويعرف الصح و الخطأ ..

انا ابي افهم ليه البنت السعوديه تشوف الولد السعودي على اساس انه كتله زباله ؟؟؟

ليه التكبر و الغرور ؟؟؟

ابي افهم وين هالغرور .. وين هالنظرات اللي تطلع منكم .. يوم جا فزاع في المملكه ؟؟؟

فشلتوووونا .... باللهي اللي سويتوه هذا صح ؟؟!!!
وين الثقل وين الرزانه ؟؟؟

لو ان البنات ذولي كانوا مع عوائلهم .. مهوب كان اللي صار ما صار ؟؟
مهوب لو ابوها او امها معها .. ما خلتها تسوي اللي سوته ؟؟؟

دام البنت من داخلها ما عندها .. غيره على نفسها .. ؟
وماعندها..

اوقف هنا واترك الباقي لكم ....!

لاتنسون الملاحظه اللي في الاول

لبى قلووبكم afro

اولاً اسلوبك يحمس مشاءالله عليك تخيلت اني معاكم Very Happy

وثانياً شنو الزي السعودي <<يستهبل هو لا شنوو

وثالثاً اعرف وحطها قاعده اي بنت تتثيقل على اي شخص

ماعندها ماعند جدتي تلاقيها من جنبها لو هي محترمه نفسها

ومستره نفسها كان محد اللتفت لها بس الشكوا لله lol!

تقبل مروري سا11111لي

والله قهر ماادري وين يبونى نرووح وانتي قلتيها لو هي مستتره ماجاها احد واحترمها بس فيه بناات آآخ بس منهم وفي الاخير تصير على الشباب 0000

ومشكووره ع مرووك لبى قلبك0000

0000000000

والله القصه فطستني ضحك ههههههههههههههههههههههههه وش الزي السعودي هههههههههههه الله يرج مراجيج ابليسكم لا البس ثوب وشماغ او غتره وعقال واللبس بشت<<<<<<<لاحشى عريس وانا ماادري هههههههههههههههه
يعطيك العافيه اخوي ميلانو وتقبل مروري يالغالي