شماغ وعقال ومفتاح وموتر وجوال ووووو.....

إذا المراجل لبسة شماغ وعقال******* قل للعذارى يلبسنّ العمايم
ما عاد يفرق زول حرمه ورجال****** دام الفعايل تشبه البعض دايم
المرجله ما هيب كلمه وتنقال****** وتروح ما راحت هبوب النسايم
وإلا خشونة صوت أو رفع الأثقال****** أو رزة صدور وفعل الزلايم
ولا هي بعد مفتاح موتر وجوال****** وإلا ردى لسانن حديثه شتايم
المرجله شيمه عن القيل والقال ******رفيع نفس (ن ) حر بالجو حايم
المرجله عقلٍ وزن وزنه جبال ******ودون العقل وش فرقنا والبهايم
المرجله يا خوي هي طولة البال ******هي العزم هي الصبر فالظلايم
فيها الكرم عزه دله وفنجال ******فيها الكرامه عن ردى الطبع شايم
والدين لامنه خذا القلب منزال ******مشى طريق الحق وابليس نايم
ومن لا عرف ربه في طيب الحال ******لابد وقت الضيق بالهم هايم
حتى صلاتك مع جماعات ورجال ******في خيرها يا خوي نعم الغنايم
ولامن نصف ليلك قم صفي البال ******يا عظم أجرك بين ساجد وقايم
ولا من رفع ربي له كل الأعمال ******حسن الذكر لا قالو فلان صايم
وخلك شريف القصد يا طيب الفال ******سوء المقاصد فالبيوت الهدايم
واحذر تبيع النفس في دب الأنذال ******وتتبع خوي إبليس راع النمايم
النفس خيل لك إذا كنت خيّال ******ومن لا قوى نفسه قوته الهزايم
ولا صرت ما تدري لويش أنت رجال *****والله خسارة فيك ذبح التمايم

مخرعهم

قصيده رائعه جدا

صح لسانك

اشكرك على طرحها

لك احترامي

رجه

صح بدنك مشكور على مرورك

مخرعهم

تسلم على القصيده

تقبل مرور........صمت الحروووف

الله يسلمك يا صمت ومرورك نورتي

صـح لسانـــك

ابيات موثره وصادقه في نفس الوقت
خلاص ازمن ذاا ماعاد تفرق بين الرجال والحريم

شكرآ
تقبل مروري

صح بدنك ومشكوره على مرورك نورتي

رووووووووعه

يسلمووووو كتشب

تقبل مروووووووري

صح لسانك مخرعهم

ويعطيك العافيه

تقبل مروري يالغالي