أترككم مع هالقصيده وأتمنى تعجبكم يارب:-
يـا دنيـا وش بقـى منـي ............ ؟؟؟
ألا يا حلمي العابر ... ألا يا خاطري المكسور
ألا يا صرخه في صدري عزفها الوقت بالحاني
اشوف الهم يتركنـي بقايـا منـزل مهجـور
واشيل اهموم هالعالم غريب وتارك او طانـي
رماني حظي العاثر .. سلبني حلمي المنثـور
تركني نظـره سرقـه تـردد ليـه حرمانـي
بكيت من الألم مره لقيـت إن الشقـا مأثـور
عرفت إن العنا والهم عذابي ونصفـي الثانـي
جنوني وحيرتي غربه تسامر ليلـي الممطـور
سحايب هم تذرفني مشاعر في سمـا ألوانـي
كفايه لا تلوموني اذا صـار الأمـل ماسـور
وفيت وما لقيت إلا طعـون القاصـي الدانـي
انا وشلون اعبر لك اذا كـان الخطـا معـذور
اذا كان التعب غايـه تهـدد راحـة ازمانـي
يا دنيا وش بقى مني سوى شمس جفاها النـور
تعب حتى الامل فيهـا يلملـم باقـي اركانـي
مثل ذاك الطفل اصرخ تهزه رعشة العصفـور
نزف جرح الغلا منه سؤاله كيـف خلانـي ؟
تصور كيف يرثاني زمانـي والعـذر مجبـور
على حزني على دمعي علـى فـرح تناسانـي
موضوع: ليـــه يادنيا 
الأربعاء مارس 12, 2008 4:37 am
