يافتنة القلب .. صبـري واصـلٍ حـده
دخيل ربك ( ترفق ) كـان لـي خاطـر
تذكر لقاناعلـى شاطـي بحـر جـده ؟
من وقتها الفكـر دايـم تايـه وحايـر
ياعمري .. العمـر قبلـك ضايـعٍ عـده
عمري لقيته .. عقب ماجيتـك مسافـر
غـلاك يافاتنـي .. مثـل البحـر مـده
وبكل لحظه .. يجي غيم الولـه ماطـر
فيه الأهم .. و المهـم ياصاحبـي بـده
رجع لي الفكر .. لامن جالـك مهاجـر
الفكـر منـي تغـرب صـار لـه مـده
من أسباب بعد الديار .. وحظي العاثـر
بـاب الأمـل ياعديـل الـروح لتسـده
منك الوصل لا طلبته قول أنـا حاضـر
وحبل النجاة .. لغريقكـك لاطلـب مـده
مده وأناكون لـك طـول العمـر شاكـر
الشوق زلـزل ضلوعـي لارحـم جـده
وأشواقـي الجائـره .. بركانهـا ثايـر
لازاد شـيءٍ تـرى دايـم يجـي ضـده
والصبر مل وهجر .. ( والمنتظر صابر )
وببقـى وفـيٍ وفالـك .. وافـي بـوده
وببقى على خبرك .. اللي كنت له خابـر
ويافتنة الروح .. مجنونك وصـل حـده
وده بشوف الجبين .. وطرفـك الخـادر