البوم (( مثل العسل ))
والذي يحتوي على عملين .
1 - مثل العسل
كلمات : علي بن سالم الكعبي .
الحان : علي كانو
كلمات مثل العسل
مثل العسل وسط الضماير غلاكم = وأنتوا عسل كل الليالي والأيام
جر القلم بالشوق خطه جدام = حبره محبه وصورتك فكر وألهام
نوفي ولكن ما نوصل وفاكم = الكم وفى ومنك الوفايا خذ أحكام
مزن بروقه لاضيات بهواكم = نجم فريد بلمعته وسط الأجرام
نقشت أنا ودي بصفحة سماكم = وبدم قلبي صارت تخط الأقلام
فكري سرى بلهفه غيومه تباكم = تمطر عليكم أطيب حروف وأنغام
لا عاش شعر في حروفه جفاكم = ولاعاش عمر ما قضى بحبك أعوام
مثل العسل وسط الضماير غلاكم = وأنتوا عسل كل الليالي والأيام
2 - أنتي شروق
كلمات : علي بن سالم الكعبي .
الحان : علي كانو .
كلمات انتي شروق
انتي شروق اول ضحى طلعة الشمس = والشمس بنت مرحلين الاماسي
عفي وانا رحبت من خاطر انحمس = موجة فرح طافت حدود القياسي
بين امس متعب كلما مر بالامس = واليوم ناسي حالة الامس ناسي
قلبي بغيابك بالنزى دوله الحمس = جيتي وقند ريحة الهيل راسي
وبين الثرى والغيم عن خطوتك رمس = اعرف وجودك يوم تندي الرواسي
القى الندى بالنخل لو تهمسي همس = بالروض دارك يرسله قلبي ماسي
شريان قلبي في بحرك انغمس غمس = سباح لكن ضيعته المراسي
يانور ماحد في الهوى يلمسك لمس = روحي لمسته واشتعل بي حماسي
البوم (( وجه المرايا ))
ويحتوي على ثمانية أعمال .
1 - لا تعتذر
كلمات : حميد النيادي .
الحان : موسى محمد
كلمات لا تعتذر
تصبح وتمسي وترقد دون تسمعني = عوَدت قلبك على هجري ونسياني
انته تعمَدت بغيابك تقاطعنــــي = وانته تسببت في همَي وأحزانــــي
صبرت بس الصبر ما كان ينفعني = ومليت من الانتظار وبعدك اشقاني
يا ماتمنيت شوفك وانت تمنعنـــي = وانته تجاهلت احاسيسي ووجداني
لا تعتذر فالعذر ماعاد يقنعنـــي = من عقب ما ذقت من صد وحرماني
أنا اتحداك اذا تقدر ترجعنــــي = أو انت تقدر على بعدني وهجرانـي
ماعاك لك أي دافع شوق يدفعني = من عقب ما انته تبيع بأرخص اثماني
بالحيل عانيت من بعدك ولوعنـي = جرَب عذاب الفراق ويمكن تعانــي
لا لا تحاول وابعد روح طاوعني = ولا تفكر انك تعود لدنيتي ثانـي
ماعاد حبك ولا شوفك يــولعنــي = أنا نسيتك وأطلب منك تنسـاني
2 - وجه المرايا
كلمات : مطلع الشمس .
الحان : موسى محمد .
كلمات وجه المرايا
غاب القمر وانكسر وجه المرايا فيك = والحزن نثر على وجهي شظاياها
والليل أصبح عذاب وحسره وتشكيك = يرســم همومه واحاول اتحاشاها
حتى المدينة حزينه عينها تـبــكـيـك = ويبكيك قلبي وعيني نثرت مـــاهـا
يا غايب عن عيوني خاطــري يطريك = في كل لحظه عيـونك كيـف بنساها
لو غيب ماغاب طيفك عني وطاريك = كنك معي في خفايا الروح واقصاها
الله يصونك ويهنا بشوفتك وغاليــك = وتقر عينه بشوفك يا هنيَـاهـــا
يامن سلب مهجتي هذا العنا يرضيك = غـبتك عـنَا صـعيبه وما قويناها
ودَي أجبر كسر وجه المرايا فيــك = واحضن همومي وابروزها بمراياها
3 -السؤال
كلمات : عبدالله الهاشمي .
الحان : موسى محمد
كلمات السؤال
ما سألت بيوم نفسك هالسؤال = يا حبيبي ما خطر مره عليك
ليه أنا أشتاق لك يا إبن الحلال = ليه أحبك ليه ميت بس فيك
آه لو تعرف معاناة الليال = والعنا والشوق في قلبٍ يبيك
ما تركته يحلم بلحظة وصال = كنت جيته قبل ما يفكر يجيك
منهو مثلي دللك هذا الدلال = وأعتبرك لقلبه وروحه شريك
ماترك للحزن في عمرك مجال = والفرح حطه على راحة يديك
بس يكفي من تعاليلك وتعال = ملت الساعات من شوقي إليك
والا إسأل خافقك نفس السؤال = ليه أحبك و أعشقك و أموت فيك
4 - الصوره المكسوره
كلمات : علي الخوار .
الحان : موسى محمد
كلمات الصورة المكسوره
بجانب كحلك و مشطك وبعض اشياء منثوره = وعطر غامض مثلك يخبي في الزجاج اسرار
أنا عشت الهوى قربك مجرد صوره مكسوره = على تسريحتك عاشت جبيسة كذبة وغبـــار
أشوفك تنظرين لها بضحكه عين مسروره = وافكر نظرتك شوق ومعاها جمليتين اعذار
واثاري نظريتك نظرتك مرت عليها بس مجبوره = قصدتي خلفها وجه تشتت في مرايا الدار
نسيتي واصبحت صوره مع الأيام مهجوره = نسيتي وابتدت ترحل من البرواز والأسوار
نسيتي بس خليها يا بنت الناس مستوره = نسيتيني وانا ملك نسيتك والزمن دوار
أنا نفسي بديت انسى ملامح هذي الصوره = دخيلك لا تخليها بألبوم الصور تـذكــــار
بديت انسى شقا نفسي ووجه الحزن وشعوره = وقولي لمن سأل عنها تشابه صورة الخوار
5 - الغلا
كلمات : حمد سهيل .
الحان : موسى محمد
كلمات الغلا
الله يـهـنــك بي والله يــهنـينـي = والله يديــم الـغــلا مابيني وبينك
ساعة أشوفك يزين الكون في عيني = وأشوف كل المحبه تنطق بعينك
ما أظن شي حبيبي عنك يغنينـي = كل يوم يكبر بعيني حسنك وزينك
مزيون وصفك وسيد في المزايينــي = وأحب طبعك وطيبة قلبك ولينـك
إن غبت عنك دقايق تشتكي بـيني = وإن غبت عني يصيح الشوق بي وينك
ما أقوى فراقك دخيلك لا تخليني = مادام قلبي أمانه بس في يدينــــك
إنته بـحبـك تـراك مـحــلي سنيـنـي = يابعد عمري عسى الله يحلي سنينك
بالدنـيا عــندي رضاك وذا يكفيني = والله يدم الهنا ما بيني وبيـنـك
6 - دنيا جديده
كلمات : عبدالله الهاشمي .
الحان : موسى محمد
كلمات دنيا جديده
يا بخت كـــل المرايا لو تناظر فيك = تسـعد بـشوفك وتـتـبسـم زوايـاها
واذا في بعدك تكسر وجهها يبكيك = ساعة تشوفك تجمع لك شظاهايا
ليل المدينة توسَل ليلتك يرجيـــــك = تشرق بشمسك على دنيا تمناهــا
دنيا جديده ببسمه ثغرها تطريــــك = بالخيروانته ضيا وجهك محياها
ان غبت عنها تمنَت بالغرام تجيك = من كثر ما هي تعبها الشوق واضناها
وان جيت فزت تردد من الفرح طاريك = وتقول يالله عساك مديم بحماهــــا
يا بعد عمر الغرام ويا بعد غاليك = حـرام عـيـنك يذوب حزنها مــاهــا
تعال اجمَع فرح كل المرايا فيــك = واترك بقربي مرايا الحزن وانساها
7 - طمني عليك
كلمات : حمد سهيل .
الحان : موسى محمد .
كلمات طمني عليك
ليش إنت مبعد عن عيوني ومجفنـّي = يا نور عين بشوفك كنت أحليها
حتى إتصالك وصوتك منقطع عني = وأعد الأيام لي بتعود في فيـــها
إن كنت زعلان يا كل الغلا منـــي = مجبور أراضيك وعيونك أراضيها
و إن كان قصدك بهالفرقى تعذبنــي = يا كيف تتعب حياتي وإنت غاليـها
أرجوك طمَن شقا نفسي وطمنـــــي = أشغلت روح غيابك عنها يشقيـها
تعبت أحاتيك وأسأل عنك لكنــي = ما ألقى جواب لجل نفسي أهــديـها
أطلب من الله عسى إنك دوم متهني = في دارك اللي إلا هي بك مهنيـها
وعساك دايم بقلبي بحسن الظنـــــي = يا شمس داري وبدر في لياليـــها
8 - لون باهت
كلمات : مطلع الشمس .
الحان : موسى محمد .
كلمات لون باهت
الشمس غابت والمدينة إظلمّـت = والورد لونه صار ما هو لونه
باهت يحير كل عين همـّــــــــت = فيه وعبيره بنته مسجونـــــــه
و أنا حزين والهموم التمّــــت = الحزن جند لي كبار شجونـــــه
إن جيت بفرح فرحتي ما تمـّــت = وإن جيت بنسى ذكرتني طعونه
هذا زماني صار بي يــتــشـمـّـت = يلعب و أنا راضي بكل جنونـــه
صفحات حبـّي في الغرام إقدمّـت = فوق الرفوف وبالعنا مشحونه
فيها المحبّه والوفا قد ضمـّت = للغالي اللي أعشقه وآصـونــه
يمكن عيون شافت ولا سمـّت = الله يخذل حاسدي وعيــــونـــه
يـــــــــــــــتبع